இலங்கை அணிக்கும் பங்களாதேஷ் அணிக்கும் இடையிலான முதலாவது டெஸ்ட் போட்டியில் இலங்கை அணி 328 ஓட்டங்களால் வெற்றி பெற்றது.
போட்டியில் நாணய சுழற்சியில் வெற்றி பெற்ற பங்களாதேஷ் அணி முதலில் இலங்கை அணிக்கு துடுப்பெடுத்தாட வாய்ப்பளித்தது.
இதன்படி முதலில் துடுப்பெடுத்தாடிய இலங்கை அணி சகல விக்கெட்டுகளையும் இழந்து 280 ஓட்டங்களை மாத்திரமே பெற்றது.
இலங்கை அணி சார்பில் துடுப்பாட்டத்தில் அதிகபட்சமாக அணி தலைவர் Dhananjaya de Silva 102 ஓட்டங்களையும், Kamindu Mendis 102 ஓட்டங்களையும் பெற்றனர்.
பந்து வீச்சில் பங்களாதேஷ் அணி சார்பாக Khaled Ahmed, Nahid Rana தலா 3 விக்கெட்டுகளையும் வீழ்த்தினர்.
இதனை அடுத்து Sylhet சர்வதேச கிரிக்கெட் மைதானத்தில் இடம்பெற்ற இந்த போட்டியில் தமது முதலாவது இன்னிங்ஸிற்காக துடுப்பெடுத்தாடிய பங்களாதேஷ் அணி சகல விக்கெட்டுக்களையும் இழந்து 188 ஓட்டங்களை பெற்றது.
இரண்டாவது இன்னிங்ஸிற்காக துடுப்பெடுத்தாடிய இலங்கை அணி சகல விக்கெட்டுக்களையும் இழந்து 418 ஓட்டங்களை பெற்றது.
இலங்கை அணி சார்பில் அதிகபட்சமாக Kamindu Mendis 164 ஓட்டங்களையும் அணியின் தலைவர் Dhananjaya de Silva 108 ஓட்டங்களையும் பெற்றுக்கொடுத்தனர்.
அதேநேரம் Dimuth Karunaratne 52 ஓட்டங்களை பெற்றக்கொடுத்திருந்தார்.
பந்துவீச்சில் பங்களாதேஷ் அணி சார்பில் Mehidy Hasan Miraz 04 விக்கெட்டுக்களையும், Nahid Rana மற்றும் Taijul Islam தலா இரண்டு விக்கெட்டுக்களை வீழ்த்தினர்.
இந்த போட்டியில் தமது இரண்டாவது இன்னிங்ஸிற்காக துடுப்பெடுத்தாடிய பங்களாதேஷ் அணி சகல விக்கெட்டுக்களை இழந்து 182 ஓட்டங்களை பெற்றிருந்து.
இதன் அடிப்படையில் இலங்கை அணி 328 ஓட்டங்களால் வெற்றி பெற்றது
