ஜோசப் ஸ்டாலினின் கைதுக்கு எதிர்ப்புத் தெரிவித்து போராட்டத்தில் ஈடுபட ஆசிரிய தொழிற்சங்கங்கள் தீர்மானம்!

இலங்கை ஆசிரிய சங்க செயலாளர் ஜோசப் ஸ்டாலின் கைது செய்யப்பட்டு எதிர்வரும் 12 ம் திகதி வரை விளக்கமறியலில் வைக்கப்பட்டுள்ள நிலையில், அவருடைய கைதுக்கு எதிர்ப்பு தெரிவித்து தொழிற்சங்க நடவடிக்கைகளை முன்னெடுக்க ஆசிரிய தொழிற்சங்கங்கள் தீர்மானித்துள்ளன. நாளை முதல் முதல் எதிர்ப்பு நடவடிக்கையிலும், ஆர்பாட்டத்திலும் ஈடுபட போவதாகவும் அடுத்த வாரத்தை எதிர்ப்பு வாரமாகவும் ஆசிரிய தொழிற்சங்கங்கள் அறிவித்துள்ளன.
இதற்கு மேலாக ஜோசப் ஸ்டாலின் 12 ம் திகதிக்குள் விடுதலை செய்யப்படாவிட்டால் அடுத்தகட்டமாக கடும் எதிர்ப்பு நடவடிக்கையில் ஈடுபட போவதாகவும், அது தொடர்பான விபரங்களை பின்னர் அறிவிப்பதாகவும் ஆசிரிய தொழிற்சங்கங்கள் தெரிவித்துள்ளன.