டொலரின் பெறுமதி 300 ரூபாவுக்கும் குறைவாக சரிந்தது !

அமெரிக்க டொலருக்கு நிகரான இலங்கை ரூபாவின் பெறுமதி மேலும் அதிகரித்துள்ளதாக இலங்கை மத்திய வங்கி தெரிவித்துள்ளது.அதன்படி, அமெரிக்க டொலர் ஒன்றின் கொள்முதல் விலை 299.21 ரூபாவாகவும், விற்பனை விலை 312.37 ரூபாவாகவும் பதிவாகியுள்ளது.

இதற்கிடையில், நேற்றைய தினம் அமெரிக்க டொலர் ஒன்றின் கொள்முதல் விலை 302.42 ரூபாவாகவும், விற்பனை விலை 316.18 ரூபாவாகவும் பதிவாகியுள்ளது.

நீண்ட இடைவெளியின் பின்னர், அமெரிக்க டொலரின் கொள்முதல் பெறுமதி 300 ரூபாவை விடவும் குறைவாக பதிவாகியுள்ளமை குறிப்பிடத்தக்கது.இலங்கையின் மத்திய வங்கியின் தரவுகளின்படி, இறுதியாக 2022 ஏப்ரல் 6 ஆம் திகதி 300 ரூபாவிட குறைவாக அமெரிக்க டொலரொன்றின் கொள்முதல் பெறுமதி பதிவாகியிருந்ததாக குறித்த திகதியில் டொலரின் கொள்வனவு பெறுமதி 298.10 ரூபாவாகவும் விற்பனை பெறுமதி 308.49 ரூபாவாகவும் பதிவாகியிருந்ததாக மத்திய வங்கி தரவுகள் காட்டுகின்றன.