தேசிய நுகர்வோர் விலை சுட்டெண்ணுக்கமைய, நாட்டின் முதன்மை பணவீக்கம் கடந்த ஆகஸ்ட் மாதத்தில் 2.1 சதவீதமாக குறைந்துள்ளதாக தொகைமதிப்பு, புள்ளிவிபரவியல் திணைக்களம் தெரிவித்துள்ளது.
முதன்மை பணவீக்கமானது கடந்த ஜூலை மாதத்தில் 4.6 சதவீதமாக பதிவாகியிருந்தது.
இந்தநிலையில், உணவுப்பொருட்களின் விலையில் ஏற்பட்ட கணிசமான வீழ்ச்சி ஆகஸ்ட் மாதத்தில் முதன்மை பணவீக்கம் 2.5 சதவீதத்தினால் குறைவடைவதில் பங்களிப்பு செய்துள்ளதாக அந்த திணைக்களம் இன்று வெளியிட்டுள்ள புள்ளிவிபரத்தில் குறிப்பிடப்பட்டுள்ளது.
அதன்படி, கடந்த ஜூலை மாதத்தில் -2.5 ஆக பதிவாகியிருந்த உணவு பணவீக்கம், ஆகஸ்ட் மாதத்தில் – 5.4 சதவீதமாக குறைந்துள்ளதாக தொகைமதிப்பு, புள்ளிவிபரவியல் திணைக்களம் குறித்த அறிக்கையில் தெரிவித்துள்ளது.
அவ்வாறே, ஜூலை மாதத்தில் 10.9 ஆக காணப்பட்ட உணவு அல்லாத பொருட்களுக்கான பணவீக்கம் ஆகஸ்ட் மாதத்தில் 9 சதவீதமாக குறைவடைந்துள்ளதாக அந்த திணைக்களத்தின் அறிக்கையில் தெரிவிக்கப்பட்டுள்ளது.
கடந்த ஜனவரி மாதம் முதன்மை பணவீக்கம் 53.2 சதவீதமாக பதிவாகியிருந்தது.
கடந்த ஆண்டு பொருளாதார நெருக்கடியுடன் அதிகரித்த பணவீக்கம், அண்மைய சில மாதங்களாக தொடர்ந்து சரிவைச் சந்தித்துவருகின்றமை குறிப்பிடத்தக்கது
