இலங்கை தொழிலாளர் காங்கிரஸ் முன்னாள் தலைவர் அமரர் ஆறுமுகம் தொண்டமானின் 60 ஆவது ஜனன தின நிகழ்வு, இன்று, நுவரெலியா கொட்டகலை ஊடக கேட்போர் கூடத்தில், அமைச்சர் ஜீவன் தொண்டமான் தலைமையில் இடம்பெற்றது.
கொட்டகலை ஆலயத்தில் விசேட பூசை வழிபாடுகள் இடம்பெற்று, அமரர் ஆறுமுகன் தொண்டமான் உருவப் படத்திற்கு, மாலை அணிவித்து, ஒரு நிமிட மௌன அஞ்சலி செலுத்தப்பட்டது.இந்த நிகழ்வில், இலங்கை தொழிலாளர் காங்கிரஸ் பிரதி தலைவர்களான, அனுஷியா சிவராஜா, கணபதி கனகராஜ், தேசிய அமைப்பாளர் சக்திவேல், முன்னாள் நாடாளுமன்ற உறுப்பினர் ராஜதுரை, போசகர் ஜெகதிஸ்வரன், பிரதேச சபைகளின் முன்னாள் தலைவர்கள், முன்னாள் உறுப்பினர்கள், இலங்கை தொழிலாளர் காங்கிரஸின் மாவட்ட தலைவர்கள், தலைவிகள், தோட்ட தலைவர்கள், தலைவிகள் உட்பட பலர் கலந்துகொண்டனர்.
