மட்டக்களப்பு காத்தான்குடி 6ம் குறிச்சி பிரதான வீதியில் இன்று இடம்பெற்ற முச்சக்கர வண்டி விபத்தில் 3 சிறுவர்கள் காயமடைந்துள்ளனர். பிரத்தியேக வகுப்பு முடிந்து, முச்சக்கர வண்டியில் வீடுகளுக்கு திரும்பிக் கொண்டிருந்த வேளை, பிரதான வீதி வழியாக வந்த மோட்டார் சைக்கிள் முச்சக்கர வண்டி மீது மோதுண்டே விபத்துச் சம்பவித்துள்ளது.
காயமடைந்த சிறுவர்கள் காத்தான்குடி ஆதார வைத்தியசாலையில் சிகிச்சைகளுக்காக அனுமதிக்கப்பட்டுள்ளனர். விபத்துத் தொடர்பில் காத்தான்குடி பொலிஸார் மேலதிக விசாரணைகளை முன்னெடுத்துள்ளனர்.
