டெனிஸ் விளையாட்டை ஊக்கவிக்கும் நோக்குடன், மட்டக்களப்பு சிவானந்த தேசிய பாடசாலை வளாகத்தில் அமைக்கப்பட்ட டெனிஸ் விளையாட்டு மைதானம் இன்று திறந்து வைக்கப்பட்டது.
சிவாநந்த வித்தியாலய கால்கோள் நூற்றாண்டு விழாவை முன்னிட்டு, கே.ஓ.வி நம்பிக்கை நிதியம் மற்றும் சபாபதி பிள்ளை உடையார் நம்பிக்கை நிதியம்
ஆகியவற்றின் நிதி அனுசனையில், பாடசாலை பழைய மாணவர்கள் சங்கமும் இணைந்து, டெனிஸ் விளையாட்டு மைதானத்தை நிர்மாணித்தன.
பாடசாலை அதிபர் எஸ்.தயாபரன் தலைமையில், நடைபெற்ற நிகழ்வில், ஆன்மீக அதிதியாக மட்டக்களப்பு இராமகிருஷ்ண மிஷன் பொது முகாமையாளர் ஸ்ரீமத் சுவாமி நீல மாதவானந்த ஜி மஹாராஜ் கலந்துகொண்டு, மைதானத்தை திறந்து வைத்தார்.
பழைய மாணவ சங்கத் தலைவரும் மண்முனை வடக்கு பிரதேச செயலாளருமான வி.வாசுதேவன் உட்பட கே.ஓ.வி நம்பிக்கை நிதியத்தின் குடும்ப உறுப்பினர்கள்
மற்றும் சபாபதிப்பிள்ளை உடையார் நம்பிக்கை நிதியத்தின் குடும்ப உறுப்பினர்கள், சிவாநந்த பாடசாலை பழைய மாணவர்கள் சங்க உறுப்பினர்கள், பாடசாலை அபிவிருத்தி சங்க உறுப்பினர்கள், பாடசாலை ஆசிரியர்கள், மாணவர்கள் என பலரும் கலந்து கொண்டனர்.
