மட்டக்களப்பு மண்முனை வடக்கு பிரதேச செயலக சிறு தொழில் முயற்சி அபிவிருத்தி பிரிவின் ஏற்பாட்டில் ‘மட்டு முயற்சியாண்மை -2023’ உள்ளூர் உற்பத்தி பொருட்களுக்கான
பிரதேச மட்ட விற்பனைக் கண்காட்சி இன்று இடம்பெற்றது.
பிரதேச செயலாளர் வி.வாசுதேவன் தலைமையில் பிரதேச செயலக வளாகத்தில் கண்காட்சி ஏற்பாடு செய்யப்பட்டது.
பிரதேச செயலக சிறு தொழில் முயற்சி அபிவிருத்தி உத்தியோகத்தர்களின் ஒருங்கிணைப்பில் பிரதேச செயலக பிரிவுக்குட்பட்ட 40 சிறு தொழில் முயற்சியாளர்களினால்
உற்பத்தி செய்யப்பட்ட உள்ளூர் உற்பத்தி பொருட்கள் காட்சிப்படுத்தப்பட்டிருந்தன.
உள்ளூர் உற்பத்திப் பொருட்களுக்கான சந்தை வாய்ப்பினை பெற்றுக்கொடுக்கும் வகையில் உள்ளூர் உற்பத்தியாளர்களின் தொழில் முயற்சியினை ஊக்கப்படுத்துவதுடன்
உற்பத்திப்பொருட்களை விற்பனை செய்வதற்கான சிறந்த களமாக பிரதேச மட்ட விற்பனைக் கண்காட்சியாக அமைந்துள்ளது.
பிரதேச செயலக உதவி பிரதேச செயலாளர்களான எம்.ஆர். சிஹாவுள் ஹக், இலட்சனியா பிரசாந்தன் , பிரதி திட்டமிடல் பணிப்பாளர் கணேசமூர்த்தி ஜெயரஞ்சனி,
கணக்காளர் பாலசந்திரன் ஹனிஸ்டன் ,சிறு தொழில் முயற்சி அபிவிருத்தி உத்தியோகத்தர் டி .கிருஷ்ணவேணி உட்பட பலரும் கலந்து கொண்டனர்.
