பாராளுமன்ற தேர்தலுக்கான தபால் மூலமான வாக்களிப்பு இன்று ஆரம்பமான நிலையில் மட்டக்களப்பு மாவட்டத்தில் தபால் மூல வாக்களிப்பு சுமூகமான முறையில் இடம்பெற்றது.
மட்டக்களப்பு மாவட்ட செயலகம் மற்றும் பொலிஸ் நிலையங்கள், தேர்தல் அலுவலகம் ஆகியவற்றில் இன்றைய தினம் காலை 8.30 மணிக்கு ஆரம்பமான தபால் மூல வாக்களிப்பு சுமூகமான முறையில் இடம்பெற்றது.
மட்டக்களப்பு மாவட்ட அரசாங்க அதிபரும் மாவட்ட தேர்தல் தெரிவத்தாட்சி அலுவலகருமான ஜஸ்டினா முரளீதரன் தலைமையில், மாவட்ட உதவி தேர்தல் ஆணையாளர் எம்.பி.எம்.சுபியான் மேற்பார்வையின் கீழ் தபால் மூல வாக்களிப்பு நடைபெற்றது.
வாக்களிப்பு நிலையங்களில் கட்சிகள் சார்பில் பிரதி நிதிகள் கண்காணிப்பு நடவடிக்கையில் ஈடுபட்டனர்.
