முச்சக்கர வண்டி மீது பொலிஸார் துப்பாக்கி பிரயோகம்

காலி – கராப்பிட்டியவில் கட்டளையை மீறி பயணித்த முச்சக்கர வண்டி மீது பொலிஸார் துப்பாக்கி பிரயோகம் மேற்கொண்டுள்ளனர்.வீதித் தடையில் பயணித்த முச்சக்கரவண்டியை நிறுத்துமாறு இன்று பகல் கட்டளையிடப்பட்டதாகவும் மீறி பயணித்ததால் துப்பாக்கிச்சூடு நடத்தப்பட்டதாகவும் பொலிஸார் தெரிவித்தனர்.எனினும், முச்சக்கர வண்டியில் பயணித்த இருவரும் தப்பிச்சென்றுள்ளதாக பொலிஸார் தெரிவித்துள்ளனர்.தப்பிச்சென்றவர்கள் போதைப்பொருள் கடத்தல் அல்லது திருட்டு சம்பவங்களுடன் தொடர்புடையவர்களாக இருக்கக்கூடும் என பொலிஸார் சந்தேகிக்கின்றனர்.