முல்லைத்தீவு, தேராவில் பகுதியில் ஐஸ் போதைப்பொருளுடன் ஒருவர் கைது

முல்லைத்தீவு தேராவில் பகுதியில் ஐஸ் போதைப்பொருளை தம்வசம் வைத்திருந்த இளம் குடும்பஸ்தர் ஒருவரை புதுக்குடியிருப்பு பொலிஸார் கைது செய்துள்ளனர்.

தேராவில் தேக்கங்காடு பகுதியில் சட்டவிரோத செயற்பாடுகள் இடம்பெற்று வருவதாக புதுக்குடியிருப்பு பொலிஸ் சார்ஜன் குணவர்த்தனவிற்கு கிடைக்கப்பெற்ற இரகசிய தகவலையடுத்து, திடீர் சுற்றிவளைப்பு நடவடிக்கையினை மேற்கொண்ட பொலிஸ் சார்ஜன்களான குணவர்த்தன, பொலிஸ் கொஸ்தாபல் லக்சான், சதுரங்க ஆகிய பொலிஸ் குழுவினர் கைது நடவடிக்கையை மேற்கொண்டனர்.

தேராவில் பகுதியினை சேர்ந்த 38 வயதுடைய நபர் கைது செய்யப்பட்டதுடன் அவரிடம் இருந்து 3 கிராம் 10 மில்லிகிராம் ஐஸ் போதைப்பொருளும், 430 மில்லிகிராம் ஹெரோயின் போதைப்பொருளும் கைப்பற்றப்பட்டுள்ளன.
பொலிஸார் மேலதிக விசாரணைகளை மேற்கொண்டு வருகின்றனர்.