கொழும்பு – கிராண்ட்பாஸ் பகுதியில் அமைந்துள்ள அடுக்குமாடி வளாகத்தில் கொரோனா தொற்றாளர்கள் 16 பேர் அடையாளம் காணப்பட்டுள்ளனர்.

இந்நிலையில் குறித்த பிரதேசத்தில் அமைந்துள்ள சுமார் 30 வீடுகளைச் சுகாதார பிரிவினரால் மூடப்பட்டுள்ளது.

வீடமைப்பு வளாகத்தில் வசிக்கும் அனைவரையும் தங்க ளின் வீடுகளுக்குள்ளே தனிமைப்படுத்த நடவடிக்கை எடுக்கப்பட்டுள்ளது என சுகாதார பிரிவு தெரிவித்துள்ளது.

ஜனாதிபதி கோத்தபாய ராஜபக்ஷவின் அறிவுறுத்தலுக்கமைய இலக்கு வைக்கப்படும் குழுக்களுக்கு ஒரே நாளில் பிசிஆர் சோதனைகள் முடிக்கப்பட வேண்டுமென இராணுவத் தளபதி தெரிவித்துள்ளார்.

சுகாதார மேம்பாட்டு பணியகத்தின் தகவல்படி மொத்தமாக 10,655 பிசிஆர் பரிசோதனைகள் நேற்று இலங்கையில் நடத்தப் பட்டுள்ளன.

இதுவரை கொவிட்- 19 பாதிப்புற்ற 545,043 நபர்களுக்கு பிசிஆர் பரிசோதனைகள் நடத்தப்பட்டுள்ளன.

இராணுவத் தளபதி லெப்.ஜெனரல் சவேந்திர சில்வா கொவிட் -19 தடுப்புக்கான தேசிய செயற்பாட்டு நிலையத்தில் கூறுகையில், ஜனாதிபதி கோத்தபாய ராஜபக்ஷவின் அறிவுறுத்தலின் படி இலக்கு வைக்கப்படும் குழுக்களுக்கு ஒரே நாளில் பிசிஆர் பரிசோதனைகளை நிறைவு செய்யவுள்ளதாகத் தெரிவித்தார்.

20 ஆவது அரசியலமைப்பு திருத்தப் பாராளுமன்ற விவாதத்தில் கலந்து கொண்ட ஐந்து ஊடகவியலாளர்கள் கொரோனா தொற்றாளர்களாக அடையாளம் காணப் பட்டுள்ளனர்.

அதன்படி சிங்கள பத்திரிகையைச் சேர்ந்த மூன்று ஊடகவியலாளர்களும், ஆங்கில பத்திரிகையைச் சேர்ந்த ஒரு ஊடகவியலாளரும், ஒரு தமிழ் தொலைக்காட்சி ஊடகவியலாளரும் இவ்வாறு கொரோனா தொற்றுக் குள்ளாகியுள்ளதாகப் பாராளுமன்ற குழு உறுதிப்படுத் தியுள்ளது.

இந்நிலையில், குறித்த நாட்களில் பாராளுமன்றத்திற்கு வருகை தந்த  அனைத்து ஊடகவியலாளர்களையும் தனிமைப்படுத்த  நடவடிக்கை எடுக்கப்பட்டுள்ளது. .

இதேவேளை பாராளுன்றில் நேற்று சுகாதார கட்டளைச் சட்டங்கள் மீதான வர்த்தமானி அறிவித்தல் தொடர்பான விவாதத்தின்போது, பாராளுமன்ற ஊடகவியலாளர்கள் எவரும், பாராளுமன்ற வளாகத்திற்குள் வைத்து கொ ரோனா தொற்றுக்குள்ளாகவில்லை என சபாநாயகர் மஹிந்த யாப்பா அபேவர்தன சுட்டிக்காட்டினார்.

குருதியில் 25 (OH) – விற்றமின் D யின் அளவானது 75-150 nmol / L அளவில் இருப்பது கொவிட் -19 அபாயங்களைக் குறைக்கிறது என்பதை நிரூபிக்கும் 30 அல்லது அதற்கு மேற்பட்ட ஆய்வுகள் இப்போது வெளிவந்துள்ளன.

இது தொற்றுக்கான சந்தர்ப்பத்தையும், கடுமையான நோய்க்கான சந்தர்ப்பத்தையும், இறப்பையும் குறைப்பதாகத் தெரியவந்துள்ளது. பல ஆராய்ச்சியாளர்கள் இப்போதுள்ள ஆதாரங்கள் ‘மிகப்பெரியது’ என்று கருதுகின்றனர்.

எப்படியிருந்த போதிலும், எங்களுக்கு ‘அதிக ஆராய்ச்சி’ தேவை என்று சொல்பவர்கள் இன்னும் இருப்பார்கள். ஆனால் இதற்காக, இழக்க வேண்டியது மிகக்குறைவே. ஏனென்றால் விற்றமின் டி சப்ளிமெண்ட்கள் மலிவானதும் நச்சுத்தன்மையின் ஆபத்து குறைவாகவும் உள்ளது. ஆனால் இதனால் ஏற்படும் நன்மை மிகப்பெரியது. விற்றமின் D3 இன் ஒரு தினசரி டோஸ் – குழந்தைகளுக்கு 1-2,000 IU மற்றும் பெரியவர்களுக்கு 4-5,000 IU என்று பரிந்துரைக்கப்படுகின்றது.

அநேகமான நாடுகளில் 1000 IU மாத்திரமே கடைகளில் விற்கப்படுகின்றது. இதில் 4-5 மாத்திரைகளை ஒவ்வொரு நாளும் பெரியவர்கள் எடுக்க வேண்டும். இல்லாவிட்டால் 5000 IU மாத்திரைகளை ஒன்லைன் கடைகளில் வாங்கலாம்.

குளிர் நாடுகளில் வாழ்பவர்களுக்கு விற்றமின் D குறைபாடு சாதாரணமானது. “நான் ஒவ்வொரு நாளும் vit-D (1000 IU) எடுத்தும் குருதியில் அதன் அளவு 50 nmol/L ஐ தாண்டுவதில்லை” என அங்குள்ள ஒருவர் தெரிவிக்கிறார்.

அரசியல் பழிவாங்கல் குறித்து ஆராயும் ஜனாதிபதி விசாரணை ஆணைக்குழு தனது இறுதி அறிக்கையை ஜனாதிபதி கோத்தபாய ராஜபக்ஷவிடம் நவம்பர் 9 அல்லது அதற்கு முன்னர் கையளிக்கவுள்ளது.

ஐக்கிய தேசிய முன்னணி ஆட்சிக் காலத்தில் பொது அதிகாரிகளை அரசியல் ரீதியாக பழிவாங்கியது குறித்து ஆராயவே இந்த ஆணைக்குழு நியமிக்கப்பட்டது.

ஆணைக்குழு தனது நடவடிக்கைகளை ஒக்டோபர் 29இல் நிறைவு செய்திருந்தது.

மேலும் ஆணைக்குழு தான் பெற்றுக்கொண்ட 1842 முறைப்பாடுகளில் 112 முறைப்பாடுகளை ஆய்வு செய்துள்ளது. எஞ்சிய முறைப்பாடுகள் ஆணைக்குழுவின் அரசியல் குழுவுக்கு அனுப்பப்பட்டுள்ளன.

பாராளுமன்ற சபைக் கூட்டம் இன்று பிற்பகல் 4.00 மணியளவில் சபாநாயகர் மஹிந்தா யாப்பா அபேவர்தன தலைமையில் கூடவுள்ளது.

பிரதமர் மஹிந்த ராஜபக்ஷ மற்றும் எதிர்க்கட்சித் தலைவர் சஜித் பிரேமதாச ஆகியோர் இதற்கு சமுகமளிப்பர் என அறிவிக்கப்பட்டுள்ளது.

பிரதமரின் பிரதிநிதி, அமைச்சர் டக்ளஸ் தேவானந்தா, எதிர்க்கட்சித் தலைவர் சஜித்தின் பிரதிநிதி, பாராளுமன்ற உறுப்பினர் ஹபீர் ஹாசிம் ஆகியோரும் இக்கூட்டத்துக்கு சமுகமளிக்கவுள்ளனர்.

மேலும் உச்ச நீதிமன்ற நியமனங்கள் குறித்து இக்கூட்டத்தில் கலந்துரையாடப்படவுள்ளது.