உயிர்த்த ஞாயிறு சம்பவம் தொடர்பாக கைது செய்யப்பட்டு தடுப்புக்காவலில் உள்ள முகமது கனிபா முகமது அஹ்ரம் பயன்படுத்தி வந்த எவரி ரக கார் ஒன்றை காத்தான்குடி றிஸ்வி நகரில் மறைத்து வைக்கப்பட்டிருந்த நிலையில் நேற்று வெள்ளிக்கிழமை (16) மட்டக்களப்பு மாவட்ட குற்றவியல் பிரிவு பொலிசார் மீட்டு காத்தான்குடி பொலிசாரிடம் ஒப்படைத்தனர்.

மட்டக்களப்பு மாவட்ட குற்றவியல் பிரிவுக்குக் கிடைத்த தகவல் ஒன்றையடுத்து உயிர்த்த ஞாயிறு குண்டு வெடிப்புடன் தொடர்புபட்ட சந்தேகத்தில் கடந்த வருடம் ஏப்ரல் 25 ம் திகதி காத்தான்குடியில் வைத்து கைது செய்யப்பட்டு மொனராகலை சிறைச்சாலையில் தடுப்புக்காவலில் வைக்கப்பட்டுள்ள முகமது ஹனிபா முகமது அஹ்ரம் பெயரில் வாங்கப்பட்டு பயன்படுத்தப்பட்டு வந்த குறித்த கார் மறைத்து வைக்கப்பட்டிருந்தது.

இதனையடுத்து இன்று ஞாயிற்றுக்கிழமை மாவட்ட குற்றவியல் பிரிவு பொறுப்பதிகாரி. டி.எஸ்.டி. பண்டார தலைமையில் என்.அன்பரசன், அருள்குமார், பந்துல,சரோன் ஆகியோர் கொண்ட பொலிஸ் குழுவினர் குறித்த பிரதேசத்தில்; கார் தரிப்பிடம் ஒன்றில் கார்மூடும் தரப்பாலால் மூடி மறைத்து கடந்த ஒரு வருடத்துக்கு மேலாக வைத்திருந்த நிலையில் காரை மீட்டுள்ளனர்.

இந்தக் கார் காத்தான்குடியிலிருந்து நுவரெலியா பயிற்சி முகாமிற்கு பயிற்சிக்காக பயிற்சியாளர்களைக் கொண்டு செல்ல பயன்படுத்தப்பட்டதா என்ற நோக்கில் குறித்த விசாரணையை மேற்கொண்டு வருவதுடன் மீட்கப்பட்ட காரை காத்தான்குடி பொலிசாரிடம் ஒப்படைத்துள்ளனர்.

இது தொடர்பான மேலதிக விசாரணைகளை மட்டக்களப்பு மாவட்ட குற்றவியல் பிரிவு பொலிசார் மேற்கொண்டு வருகின்றனர்.

கொழும்பு துறைமுகத்தில் பணி புரியும் இரண்டு ஊழியர்களுக்கு கொரோனாத் தொற்று அடையாளம் காணப்பட்டுள்ளதாக சுகாதாரப் பிரிவு தெரித்துள்ளது.

குறித்த நபர்கள் இருவரும் கொழும்பு  துறைமுகத்தில் பணி புரியும் ஊழியர்கள் எனத் தெரியவந்துள்ளது.

தற்போது  துறைமுகத்தின் ஒரு பகுதி மூடப்பட்டுள்ளதாக சுகாதாரப் பிரிவு தெரித்துள்ளது.

குறித்த பகுதிக்கு உள்நுழைய மற்றும் வெளியேறத் தடை செய்யப்பட்டுள்ளது.

வவுனியா ஓமந்தை பொலிஸ் பிரிவுக்குட்பட்ட மாணிக்கர் வளவுப் பகுதியில் வீ டொன்றிலிருந்து இரு ஆண்களின் ச டலங் களை
பொ லிஸார் இன்று மீட்டுள்ளனர்.

கு றித்த ப குதியில் உ ள்ள வீ டொன்றில் இ ரண்டு ச ட ல ங் க ள்
இ ருப்பதாக பொ லிஸாருக்கு த கவல் தெ ரிவிக்கப்பட் டிருந்தது.
இதைத் தொடர்ந்து ச ம்பவ இ டத்திற்குச் செ ன்ற ஓமந்தைப் பொ லிசார், தலையில்  பாரிய  வெட்டுக்காயங்களுடன் காணப்பட்ட இரு சடலங்களை  மீட்டுள்ளனர்.

மே லும் ஒ ருவர்  ப டுகா ய ம டை ந் த  நி லையில் அ ம்புலன்ஸ்
மூ லம் வவுனியா வைத்தியசாலையில் அ னுமதிக்கப்ப ட்டார். அவரது நிலையும் க வலைக்கிடமாக இருப்பதாக தெரிவிக் கப்படுகின்றது.

கு றித்த ச ம்பவத்தில் மாணிக்கர் வ ளவு கி ராமத்தின் கிராம அ பிவிருத்தி சங்கத் த லைவரான 4 பி ள்ளைகளின் த ந்தையான கோபால் குகதாசன் (40), மற்றும் கரிப்பட்ட முறிப்பைச் சே ர்ந்த சிவனு மகேந்திரன் (34) ஆ கிய இருவருமே உ யிரிழந்ததாக பொ லிஸாரால் அடையாளம் கா ணப்பட்டுள்ளது.

இதேவேளை சுப்பிரமணியம் சிவாகரன் எ ன்பவர்  ப டுகா யமடைந்த நி லையில் வை த்தியசாலையில் அ னுமதிக்கப்பட் டுள்ளார்.

ச ம்பவத்து டன் தொடர்புபட்டிருக்கலாம் என்ற ச ந்தேக த்தில் மாணிக்கர் வளவில் வசித்துவரும் இ ளைஞர் ஒருவரை ஓமந்தைப் பொலிஸார் கைது செய்து விசாரணை நடத்தி வருகின்றனர்.

அரசியலமைப்பின் 20ஆவது திருத்தத்தை எதிர்வரும் 21ஆம் 22ஆம் திகதிகளில் பாராளுமன்றத்தில் விவாதத்துக்கு எடுத்துக்கொள்ள வெள்ளிக்கிழமை நடைபெற்ற பாராளுமன்ற அலுவல்கள் பற்றிய குழுக் கூட்டத்தில் தீர்மானிக்கப்பட்டது.

அத்துடன் 20ஆவது திருத்தம் தொடர்பான உயர் நீதிமன்றத்தின் தீர்மானம் எதிர்வரும் 20ஆம் திகதி சபாநாயகரினால் பாராளுமன்றத்தில் முன்வைக்கப்படும்.

சபாநாயகர் மஹிந்த யாப்பா அபேவர்தன தலைமையில் நடைபெற்ற பாராளுமன்ற அலுவல்கள்பற்றிய குழுக் கூட்டத்தில் 21 மற்றும் 22ஆம் திகதிகளில் முற்பகல் 10 மணி முதல் இரவு 7.30 மணிவரை பாராளுமன்ற விவாதத்தை நடத்துவதற்கும் முடிவுசெய்யப்பட்டுள்ளது. 22ஆம் திகதி இரவு 7.30 மணிக்கு விவாதம் முடிவடைந்ததும் குழு நிலை ஆரம்பிக்கப்படும்.

இந்த இரண்டு தினங்களும் பாராளுமன்ற ஆரம்பத்தின் போது இடம்பெறும் வாய்மூல விடைக்காக பாராளுமன்ற உறுப்பினர்கள் முன்வைக்கும் கேள்விகள் இடம்பெறாது என்பதுடன், மதிய போசனத்துக்காக விவாதம் இடைநிறுத்தப்படாது.

அதேநேரம், 20ஆம் திகதி ஏற்றுமதி அபிவிருத்திச் சட்டத்தின் கீழான 3 ஒழுங்குவிதிகளை விவாதத்துக்கு எடுத்துக் கொள்ளவும் இங்கு தீர்மானிக்கப்பட்டது. அன்றையதினம் மாலை 4.30 முதல் 5.30 மணிவரை ஆளும் கட்சியினால் முன்வைக்கப்படும் சபை ஒத்திவைப்புப் பிரேரணை மீதான விவாதம் நடைபெறும்.

மறைந்த மூன்று பாராளுமன்ற உறுப்பினர்களான அமரர் சுரங்கனி எல்லாவல, அமரர்ஆர்.ஆர்.டபிள்யூ.ராஜபக்ஷ அமரர் கே.பி.சில்வா ஆகியோர் குறித்த அனுதாபப் பிரேரணைகளை எதிர்வரும் 23ஆம் திகதி முன்வைக்கப்படும்.

பாராளுமன்ற அலுவல்கள் பற்றிய குழுக் கூட்டத்தில் சபாநாயகர் மஹிந்த யாப்பா அபேவர்த்தன, பிரதி சபாநாயகர் ரஞ்சித் சியம்பலாபிட்டிய, சபை முதல்வர் தினேஷ் குணவர்த்தன, ஆளும் கட்சியின் முதற்கோலாசான் ஜோன்ஸ்டன் பெர்னாண்டோ , எதிர்க்கட்சியின் முதற்கோலாசான் லக்ஷ்மன் கிரியல்ல,அமைச்சர்களான சமல் ராஜபக்ஷ, நிமல் சிறிபால.டி.சில்வா, பேராசிரியர் ஜீ.எல்.பீரிஸ், டக்ளஸ் தேவானந்தா, டலஸ் அழகப் பெரும,மஹிந்த அமரவீர, வாசுதேவ நாணயக்கார, பிரசன்ன ரணதுங்க, அலி சப்ரி மற்றும் பாராளுமன்ற உறுப்பினர்களான மஹிந்த சமரசிங்க, கயந்த கருணாதிலக, அநுரகுமார திஸாநாயக்க,ரவூப் ஹக்கீம், டிலான் பெரேரா, ரஞ்சித் மத்தும பண்டார மற்றும் மனோகணேசன் ஆகியோர் கலந்துகொண்டிருந்தனர்.

பாராளுமன்ற செயலாளர் தம்மிக்க தஸநாயக்க மற்றும் பிரதிச் செயலாளர்நாயகமும் பணியாட்தொகுதி பிரதானியுமான நீல் இத்தவல ஆகியோரும் இதில் கலந்துகொண்டிருந்தனர்.

குற்றப்புலனாய்வு திணைக்களத்தின் புதிய பணிப்பாளராக சிரேஷ்ட பொலிஸ் அத்தியட்சகர் நிஷாந்த த சொய்சா நியமிக்கப்பட்டுள்ளதாக பொலிஸ் தலைமையகம் தெரிவித்துள்ளது.