உயிர்த்த ஞாயிறு பயங்கரவாத தாக்குதல் குறித்து விசாரணை செய்யும் ஜனாதிபதி ஆணைக்குழுவில் வாக்குமூலம் ஒன்றை வழங்குவதற்காக இன்று (17) ஆஜரான முன்னாள் ஜனாதிபதி மைத்திரிபால சிறிசேன அங்கிருந்து வௌியேறியுள்ளார்.

மேலும், அவரை மீண்டும் எதிர்வரும் 22 ஆம் திகதி ஆணைக்குழுவில் ஆஜராகுமாறு அறிவிக்கப்பட்டுள்ளதாக அததெரண செய்தியாளர் தெரிவித்தார்.

கொழும்பு மேயர் ரோசி சேனநாயக்க கொரோனாவினால் பாதிக்கப்படவில்லை என்பது பிசிஆர்சோதனைகளின் மூலம் உறுதியாகியுள்ளது.
கொழும்பு மாநகரசபையின் தலைமை மருத்துவ அதிகாரி ருவான் விஜயமுனி இதனை தெரிவித்துள்ளார்.

ரோசி சேனநாயக்க பாதிக்கப்பட்டுள்ளார் என வெளியாகும் தகவல்கள் உண்மையில்லை என அவர் தெரிவித்துள்ளார்.
மேயர் உட்பட மாநகரசபையின் 140 உறுப்பினர்களுக்கு பிசிஆர் பரிசோதனை மேற்கொள்ளப்பட்டதாக அவர் தெரிவித்துள்ளார்.

முன்னாள் அமைச்சர் ரிசாத்பதியுதீன் விரைவில் கைதுசெய்யப்படுவார் என தெரிவித்துள்ள பாதுகாப்பு செயலாளர் கமால் குணரட்ண அவரை கைதுசெய்வதற்கான காலஅவகாசத்தை பொதுமக்கள் சட்ட அமுலாக்கல் அதிகாரிகளுக்கு வழங்கவேண்டும் என வேண்டுகோள் விடுத்துள்ளார்.

சமூக ஊடகங்களை பார்க்கும் ரிசாத் பதியுதீன் இன்னமும் கைதுசெய்யப்படாதமை குறித்து அரசாங்கத்திற்கு எதிராக கண்டனங்களும் குற்றச்சாட்டுகளும் முன்வைக்கப்படுவதை நாங்கள் பார்க்கின்றோம் என அவர் தெரிவித்துள்ளார்.
இது தொடர்பில் ஜனாதிபதி விமர்சிக்கப்படுகின்றார்,பொலிஸாரும் பாதுகாப்பு தரப்பினரும் குற்றம்சாட்டப்படுகின்றனர் என்னையும் குற்றம்சாட்டுகின்றனர் என தெரிவித்துள்ள பாதுகாப்பு செயலாளர் இந்த நாட்டு மக்களே எங்களை விமர்சிக்கின்றனர் என குறிப்பிட்டுள்ளார்.
ரிசாத்பதியுதீன் கைதுசெய்யப்படுவது தாமதமாவது குறித்து அவர்கள் கவலையடைந்துள்ளனர்,அல்லது அவர்கள் தங்களதும் நாட்டினதும் பாதுகாப்பு குறித்து கவலையடைந்திருக்கலாம் என பாதுகாப்பு செயலாளர் தெரிவித்துள்ளார்.

அவர்களது கரிசனைகளை புரிந்துகொள்ளக்கூடியதாகவுள்ளது என தெரிவித்துள்ள பாதுகாப்புசெயலாளர் இந்த கைதுகளைமுன்னெடுக்கும்போது காவல்துறையினர் முன்னெடுக்கவேண்டிய பொறிமுறைகள் உள்ளன எனவும் தெரிவித்துள்ளார்.
ரிசாத் கைதுசெய்யப்படயிருந்த நேரத்தில் ஊடகங்களுக் அது குறித்து தெரிவிக்கப்பட்டது,ஊடகங்கள் அதனை செய்தியாக்கி மக்களுக்கு தெரிவித்தன,என பாதுகாப்பு செயலாளர் தெரிவித்துள்ளார்.
ரிசாத்பதியுதீனிடம் வாக்குமூலத்தை பெற்ற பின்னரே அவரைகைதுசெய்யும் நடைமுறைiயை பின்பற்றவிருந்தோம்,எனினும் அவர் கைதுசெய்யப்படவுள்ளார் என்றசெய்தி வெளியானதும்,அவர் தப்பிதலைமறைவாகி விட்டார் எனவும் பாதுகாப்பு செயலாளர் குறிப்பிட்டுள்ளார்.
பாதுகாப்புதரப்பினர் திறமைசாலிகள் என்ற போதிலும் அவர்களிடமிருந்து தப்பிமறைந்திருக்க தீர்மானிப்பவர்களை உடனடியாக அவர்களால் கைதுசெய்ய முடியாது,அவர்களை சில மணிநேரங்களில் சில நாட்களில் கைதுசெய்யமுடியும் எனவும் கமால் குணரட்ண தெரிவித்துள்ளார்.

அரச தொலைக்காட்சியின் ஊழியர் கொரோனாவினால் பாதிக்கப்படவில்லை என்பது இரண்டாவது பிசிஆர் பரிசோதனையின் போது தெரியவந்துள்ளது.
முதலாவது பிசிஆர் சோதனையின் போது இவர் கொரோனாவினால் பாதிக்கப்பட்டுள்ளதாக தெரியவந்த நிலையிலேயே இவரிடம் இரண்டாவது சோதனை மேற்கொள்ளப்பட்டதாக தெரிவித்துள்ள சுகாதார அதிகாரிகள் இரண்டாவது பரிசோதனையின் போது அவர் பாதிக்கப்படவில்லை என தெரியவந்துள்ளது என குறிப்பிட்டுள்ளனர்.

பல செய்தியாளர்கள் மாநாடுகளுக்கு சென்ற ஐடின் ஊழியர் கொரோனாவினால் பாதிக்கப்பட்டமை வியாழக்கிழமை தெரியவந்தமை குறிப்பிடத்தக்கது.
இதனை தொடர்ந்து தனது பணியாளர்கள் அனைவரையும் சுயதனிமைப்படுத்தலுக்கு உட்படுத்தியுள்ள நிர்வாகம் குறிப்பிட்ட ஊழியரை இரண்டாவது தடவை சோதனைக்கு உட்படுத்தியது.

கம்பஹா மாவட்டத்தின் மினுவங்கொட கொரோனா கொத்தணியில் கடந்த 24 மணிம் நேரத்தில் 110 பேர் கொரோனா தொற்றாளர்களாக அடை யாளம் காணப்பட்டுள்ளதாக அரசாங்க தகவல் துறை தெரிவித்துள்ளது.

தனிமைப்படுத்தப்பட்ட நிலையங்களில் 38 பேர் , குறித்த நபர்களுடன் நெருங்கிய தொடர்பு கொண்ட 72 பேரும் அடையாளம் காணப்பட்டுள்ளனர்.

அதன் படி குறித்த கொத்தணியில் கொரோனா பற்றாளர்களுடன் நெருங் கிய தொடர்பு கொண்டவர்கள் 1901 பேர் அடையாளம் காணப் பட்டுள் ளனர்.

குறித்த தொழிற்சாலையில் பணிப்புரியும் ஊழியர்கள் 1041 பேரில் அவர் களுடன் நெருங்கிய தொடர்பு கொண்டவர்கள் 860 பேர் என தெரிய வந் துள்ளது.

அதன் படி இந்நாட்டின் கொரோன தொற்றாளர்களின் மொத்த எண்ணிக் கை 5ஆயிரத்து 354 பேராக உயர்ந்துள்ளது.

தற்போது, நாட்டில் 16 வைத்தியசாலைகளில் 1956 பேர் சிகிச்சை பெற்று வருகின்றனர்.

நாட்டில் குணமடைந்த கொரோனா வைரஸ் தொற்றாளர்களின் எண் ணிக்கை 3 அயிரத்து 385 ஆகும்.

கொரோனா வைரஸ் தொற்று பர­வலைத் தடுப்­ப­தற்­கான தேசிய நட­வ­டிக் கை மையம் இன்று வெளியிட்டுள்ள அறிக்கையில் தெரிவிக்கப்பட்டுள்ளது.

முன்னாள் ஜனாதிபதி மைத்திரிபால சிறிசேன உயிர்த்த ஞாயிறு தாக்குதல் தொடர்பில் விசாரணை செய்யும் ஜனாதிபதி ஆணைக்குழு முன்னிலையில் 4 ஆவது நாளாக இன்று (17) ஆஜராகியுள்ளார்.