LPL தொடருக்கான டிக்கெட் விற்பனை ஆரம்பம்!

லங்கா பிரீமியர் லீக் இருபதுக்கு 20 கிரிக்கெட் தொடருக்கான டிக்கட் விற்பனை தொடர்பான அறிவிப்பு வெளியாகியுள்ளது.ஸ்ரீலங்கா கிரிக்கெட் இதனை அறிவித்துள்ளது.

இதன்படி கண்டியில் நடைபெறவுள்ள போட்டிகளுக்கான டிக்கட் விற்பனை இன்று பிற்பகல் 3 மணி முதல் ஆரம்பிக்கப்பட்டுள்ளதாக தெரிவிக்கப்பட்டுள்ளது.2024 ஆம் ஆண்டுக்கான லங்கா பிரீமியர் லீக் கிரிக்கெட் தொடர் எதிர்வரும் ஜூலை முதலாம் திகதி ஆரம்பமாகவுள்ளது.இந்த தொடருக்கான போட்டிகள் கொழும்பு, கண்டி மற்றும் தம்புள்ளை ஆகிய மைதானங்களில் இடம்பெறவுள்ளன. இதில் 5 போட்டிகள் கண்டியில் நடைபெறவுள்ளமை குறிப்பிடத்தக்கது.