O/L பரீட்சையில் சித்தியடைந்த 3000 மாணவர்களுக்கு ஜனாதிபதி நிதியத்தினால் புலமைப்பரிசில்கள்

க.பொ.த சா/த பரீட்சையில் சித்தியடைந்த மாணவர்களுக்கான புலமைப்பரிசில் திட்டத்தை ஜனாதிபதி ரணில் விக்கிரமசிங்கவின் வழிகாட்டலின் கீழ் ஜனாதிபதி நிதியம் மற்றும் கல்வி அமைச்சு இணைந்து நடைமுறைப்படுத்தியது.

வலய கல்வி அலுவலகம் இந்தத் திட்டத்திற்கான புள்ளிகளை வழங்கும்போது திறன், அழகியல், விளையாட்டு மற்றும் பாடநெறிக்கு அப்பாற்பட்ட செயற்பாடுகள் மற்றும் மாணவரின் குடும்பத்தின் பொருளாதார மற்றும் சமூக நிலை ஆகியவற்றைக் கருத்திற்க் கொள்கிறது.

முதல் கட்டத்தின் கீழ், நாடு முழுவதும் உள்ள 3,000 மாணவர்கள் தகுதி பெற்றனர், மேலும் 11 கல்வி வலயங்களில் அதிக தகுதிகளைக் கொண்ட 110 புலமைப்பரிசில் பெற்றவர்களுக்கு மாதாந்தம் 5,000 ரூபா உதவித்தொகை ஜனாதிபதி செயலகத்தில் இரண்டு வருடங்களுக்கு வழங்கப்படவுள்ளது.

புலமைப்பரிசில் திட்டம் ஒரு வலயத்திற்கு மொத்தம் 30 புலமைப்பரிசில்களை வழங்கும், இது நாடு முழுவதும் உள்ள 100 கல்வி வலயங்களில் உள்ள 3,000 மாணவர்களுக்கு ஆதரவை வழங்கும். இரண்டு வருட காலத்திற்கான உதவித்தொகை திட்டத்தின் மொத்த மதிப்பிடப்பட்ட செலவு ரூ. 360 மில்லியன். கல்வி அமைச்சு ஒரு சுற்றறிக்கை மூலம் பாடசாலைகளுக்கு அறிவித்ததுடன், மேலும் புலமைப்பரிசில் திட்டத்திற்கான விண்ணப்பங்களை ஊக்குவிக்கும் வகையில் ஒரு பத்திரிகையில் விளம்பரமும் வெளியிடப்பட்டது.

கல்வி அமைச்சர் சுசில் பிரேமஜயந்த, தேசிய பாதுகாப்பு தொடர்பான ஜனாதிபதியின் சிரேஷ்ட ஆலோசகரும் ஜனாதிபதி செயலகத்தின் பிரதானியான சாகல ரத்நாயக்க, ஜனாதிபதியின் செயலாளர் சமன் ஏக்கநாயக்க, கல்வி அமைச்சின் செயலாளர் எம்.என். ரணசிங்க, ஜனாதிபதி நிதியத்தின் செயலாளர் டபிள்யூ.ஏ. சரத்குமார உள்ளிட்ட பலர் இந்நிகழ்வில் கலந்துகொண்டனர்.