29 C
Colombo
Monday, June 24, 2024
spot_img
spot_img
12,987FansLike
19,993SubscribersSubscribe

ஒவ்வொரு வாக்கையும் எண்ண வேண்டும் – ஜோ பைடன் ஆதரவாளர்கள் போர்க்கொடி

அமெரிக்க ஜனாதிபதித் தேர்தலில் ஜோ பைடன் வெற்றியை நெருங்கியுள்ளார். இந்நிலையில் அவரது ஆதரவாளர்கள் வெற்றிக் கொண்டாட்டத்துக்குத் தயாராகி வருகின்றனர்.

இதேவேளை ஒவ்வொரு வாக்கையும் மீண்டும் எண்ண வேண்டும் எனக்கோரி ஜோ பைடனின் ஆதரவாளர்கள் போராட்டத்தில் குதித்துள்ளனர்.

அமெரிக்க ஜனாதிபதித் தேர்தலில் ஜனநாயகக் கட்சி வேட்பாளர் ஜோ பைடன் தொடர்ந்து முன்னிலையில் உள்ளார். ஜனாதிபதி டொனால்ட் ட்ரம்ப் பின்தங்கியுள்ளார்.

கடும் போட்டியுள்ள மாநிலங்களில் ட்ரம்ப் முன்னிலை வகித்து வரும் நிலையில், இந்த தேர்தலில் முறைகேடு நடந்திருப்பதாகக் கூறி, வாக்கு எண்ணிக்கையை நிறுத்தும்படி வலியுறுத்தியுள்ளார். 3 மாநிலங்களில் வாக்கு எண்ணிக்கையை நிறுத்தக்கோரி நீதிமன்றத்தில் மனுத் தாக்கல் செய்துள்ளார்.

இந்நிலையில், வெற்றியை நெருங்கியுள்ள ஜோ பைடன் ஆதரவாளர்கள் வெற்றிக் கொண்டாட்டத்துக்குத் தயாராகி வருகின்றனர். சில மாநிலங்களில் வெற்றியை உற்சாகமாகக் கொண்டாடி வருகின்றனர். ஆனால், வாக்கு எண்ணிக்கைக்கு தடை ஏற்படுத்தும் முயற்சியை ஜோ பைடன் ஆதரவாளர்கள் கண்டித்துள்ளனர்.

ஒவ்வொரு வாக்கையும் கண்டிப்பாக எண்ண வேண்டும் என்று வலியுறுத்தி நியூயோர்க்கில் நேற்று ஆர்ப்பாட்டப் பேரணி நடத்தினர். 5ஆவது அவென்யூவிலிருந்து வோஷிங்டன் சதுக்கம் வரை அமைதியான முறையில் இடம்பெற்ற இந்தப் பேரணியில் ஆயிரக்கணக்கானோர் பங்கேற்றனர்.

இதேபோன்று மிச்சிகனில் வாக்கு எண்ணிக்கையை நிறுத்த வலியுறுத்தி ட்ரம்ப் ஆதரவாளர்கள் டெட்ராய்ட்டிலுள்ள வாக்கு எண்ணும் மையத்துக்கு வெளியே போராட்டம் நடத்தியதால் பரபரப்பு ஏற்பட்டது.

Related Articles

- Advertisement -spot_img

Latest Articles