பாரிஸ் மாஸ்டர்ஸ் டெனிஸ் தொடரின் ஆண்களுக்கான இறுதிப்போட்டியில் சக நாட்டு வீரரான லோபஸை வீழ்த்தி, ரபேல் நடால் டெனிஸ் அரங்கில் ஆயிரம் வெற்றிகளைப் பதிவுசெய்துள்ளார்.
பிரெஞ்சு ஓபன் வெற்றியின் பின்னர் முதன் முறையாக விளையாடிய ஸ்பெயின் வீரர் ரபேல் நடால், நேற்றுப் புதன்கிழமை நடைபெற்ற போட்டியில் சக நாட்டு வீரர் லோபஸை எதிர்த்து களமிறங்கினார்.
சுமார் இரண்டரை மணிநேரம் நீடித்த இந்த ஆட்டத்தில் நடால் 4-6, 6-4, 6-2 என்ற செட் கணக்கில் லோபஸை வீழ்த்தினார்.
இந்த வெற்றியின் மூலம் நடால், டெனிஸ் ஆடவர் ஒற்றையர் பிரிவில் ஆயிரம் வெற்றிகளைப் பதிவுசெய்தோருக்கான பட்டியலில் ஜிம்மி கான்னர்ஸ் (1,274) ரோஜர் பெடரர் (1,242), இவான் லென்ட்ல் (1,068) ஆகியோருக்கு அடுத்ததாக இடம்பிடித்தார்.
