நாட்டில் பரவிவரும் கொரோனா தொற்றுநோயிலிருந்து மக்களை பாதுகாக்கவும் நாட்டில் இருந்து இந்நோய் அகல வேண்டும் எனவும் மதஸ்தலங்களில் தொடர்ந்தும் பிரார்த்தனைகள் இடம்பெற்று வருகின்றன.
இதற்கமைவாக ஆலையடிவேம்பு ஸ்ரீ முருகன் ஆலயத்தில் இடம்பெற்ற பிரார்த்தனை நிகழ்வு மற்றும் விசேட பூஜை வழிபாடுகளும்; சுகாதார நடைமுறைகளை பின்பற்றி நடைபெற்றது.
ஆலய தலைவர் ஆர்.ஜெகநாதன் தலைமையில் இடம்பெற்ற பூஜை வழிபாடுகளை; ஆலய பிரதம குரு சிவஸ்ரீ சுமித்தீஸ்வர கணபதிப்பிள்ளை குருக்கள் நடாத்தி வைத்தார்.
வழிபாடுகளில் நாட்டில் இருந்து கொரோனா நோய் முற்றாக அகலவேண்டும் எனவும் நாட்டு மக்களும் நலமுடன் இருக்க வேண்டும் எனவும் அரசாங்கத்திற்கு நல்லாசி வேண்டியும் பிரார்த்தனைகள் இடம்பெற்றன.
கொரோனாவில் இருந்து நாட்டையும் மக்களையும் பாதுகாக்கும்படி வேண்டிய பிரார்த்தனை வழிபாடுகளில் இமாலய சுவாமிகள் நித்தியானந்தா மகராஜ் ரிசிகேஸ் கலந்து கொண்டதுடன் ஆலய நிர்வாகத்தினர் பிரதேச செயலக உத்தியோகத்தர்கள் என மட்டுப்படுத்தப்பட்ட சிலர் கலந்து கொண்டனர்.
