இலங்கை – ஆப்கானிஸ்தான் அணிகளுக்கிடையிலான 3வது ஒருநாள் போட்டி இன்று

இலங்கை மற்றும் ஆப்கானிஸ்தான் அணிகளுக்கு இடையிலான 3 ஆவதும் இறுதியுமான ஒருநாள் சர்வதேச கிரிக்கெட் போட்டி இன்று இடம்பெறவுள்ளது.
கண்டி – பல்லேகலை மைதானத்தில் இன்று பிற்பகல் 2.30 அளவில் போட்டி ஆரம்பமாகவுள்ளது. ஆப்கானிஸ்தான் அணி மற்றும் இலங்கை அணிகளுக்கு இடையிலான முதலாவது ஒரு நாள் போட்டியில் ஆப்கானிஸ்தான் அணி 60 ஓட்டங்களால் இலங்கை அணியை தோல்வியடையச்செய்தது. கண்டி பல்லேகலை மைதானத்தில் கடந்த ஞாயிற்றுக்கிழமை இடம்பெற்ற 2வது போட்டி மழை காரணமாக கைவிடப்பட்டது. ஆப்கானிஸ்தான் அணி 1 – 0 என்ற அடிப்படையில் தொடரில் முன்னிலை வகிக்கிறது. இன்றைய போட்டியில் தொடரை சமப்படுத்தும் முனைப்புடன் இலங்கை அணி களமிறங்கவுள்ளது.