இலங்கையில் நடைபெறும் படப்பிடிப்பிற்காக வருகை தந்திருக்கும் இந்திய திரைப்பட நடிகர் மம்முட்டியை இலங்கை கிரிக்கெட் அணியின் முன்னாள் நட்சத்திரமான சனத் ஜெயசூர்யா சந்தித்துள்ளார். தனது ருவிட்டர் பக்கத்தில் சந்திப்புத் தொடர்பில் பதிவிட்டுள்ள சனத் ஜெயசூர்யா, ‘மூத்த மலையாள நடிகர் மம்முட்டியை சந்தித்தது பெருமையாக இருந்தது. சேர் நீங்கள் தான் உண்மையான சூப்பர் ஸ்டார். இலங்கை வந்ததற்கு நன்றி. அனைத்து இந்திய நட்சத்திரங்களையும் நண்பர்களையும் எங்கள் நாட்டை பார்க்க அழைக்க விரும்புகிறேன்’ என்று குறிப்பிட்டுள்ளார். இலங்கையின் சுற்றுலாத் தூதுவராக சனத் ஜெயசூரிய அண்மையில் நியமிக்கப்பட்டமை குறிப்பிடத்தக்கது.
