வனிந்து ஹசரங்கவுக்கு சிறந்த வீரர் விருது

ஜூன் மாத்திற்கான ஐசிசி சிறந்த வீரர் விருதுக்குரிய பரிந்துரை பட்டியலில் இலங்கையின் நட்சத்திர சுழல்பந்துவீச்சாளர் வனிந்து ஹசரங்க இடம்பெற்றுள்ளார்.

சிம்பாவ்வேயில் நடைபெற்றுவரும் ஐசிசி உலகக் கிண்ண தகுதிகாண் சுற்றில் இலங்கையின் முதல் மூன்று போட்டிகளிலும் 5 விக்கெட்கள் என்ற சிறந்த பந்துவீச்சினை பதிவு செய்ததன் மூலம் சிறந்த வீரருக்கான பரிந்துரை பட்டியலில் ஹசரங்கவின் பெயர் இடம்பெற்றுள்ளது.

சர்வதேச ஒருநாள் கிரிக்கெட் வரலாற்றில் 3 தொடர்ச்சியான போட்டிகளில் 5 விக்கெட்களைக் கைப்பற்றிய முதலாவது வீரர் என்ற வக்கார் யூனிஸின் சாதனையை வனிந்து ஹசரங்க சமப்படுத்தியிருந்தமை குறிப்பிடத்தக்கது.

ஐசிசி உலக டெஸ்ட் சம்பியன்ஷிப் இறுதிப் போட்டியில் துடுப்பாட்டத்தில் அசத்திய அவுஸ்திரேலிய வீரர் ட்ரவிஸ் ஹெட், ஐசிசி உலகக் கிண்ண தகுதிகாண் சுற்றில் 3 சதங்கள் குவித்த ஸிம்பாப்வே வீரர் சோன் வில்லிம்ஸ் ஆகியோரின் பெயர்களும் மாதத்தின் சிறந்த விரருக்கான பட்டியலில் இடம்பெற்றுள்ளன.