ஓமானில் நடைபெற்றுவரும் வளர்ந்துவரும் வீரர்களைக் கொண்ட அணிகளுக்கு இடையிலான ரி20 ஆசிய கிண்ண கிரிக்கெட் அரை இறுதிப் போட்டியில் விளையாடுவதற்கு இலங்கை ஏ அணி தகுதிபெற்றுக்கொண்டது.
பங்களாதேஷ் ஏ அணிக்கு எதிராக ஓமான், அல் அமரத் விளையாட்டரங்கில் செவ்வாய்க்கிழமை (22) இரவு நடைபெற்ற ரி20 கிரிக்கெட் போட்டியில் 19 ஓட்டங்களால் இலங்கை வெற்றிபெற்றது.
இந்த வெற்றியுடன் ஏ குழுவுக்கான அணிகள் நிலையில் 4 புள்ளிகளுடன் முதலாம் இடத்தைப் பெற்று அரை இறுதியில் விளையாட தகுதிபெற்றது.
எண்ணிக்கை சுருக்கம்
இலங்கை ஏ அணி: 20 ஓவர்களில் 161 – 7 விக். (பவன் ரத்நாயக்க 42, லஹிரு குமார 33, சஹான் ஆராச்சிகே 30, ரேஜவ்ர் ரஹ்மான் ராஜா 35 – 2 விக்., ரிப்பொன் மொண்டோல் 36 – 2 விக்.)
பங்களாதேஷ் ஏ அணி: 20 ஓவர்களில் 142 – 7 விக். (அபு ஹைதர் 38, சய்ப் ஹசன் 29, பெர்வஸ் ஹொசெய்ன் இமோன் 24, துஷான் ஹேமன்த 23 – 3 விக்.)
