நோர்வூட்டில் இருந்து ஹட்டன் நோக்கி பயணித்த கார் ஒன்று வீதியை விட்டு விலகி சிற்றோடையில் கவிழ்ந்ததில் இருவர் காயமடைந்துள்ளனர்.காயமடைந்த இருவரும் டிக்கோயா ஆரம்ப வைத்தியசாலையில் அனுமதிக்கப்பட்டுள்ளதாக நோர்வூட் பொலிஸார் தெரிவித்தனர்.
ஹட்டன் நோர்வூட் பிரதான வீதியின் நோர்வூட் தியசிறிகம பிரதேசத்தில் நேற்று இந்த விபத்து இடம்பெற்றுள்ளதாக, பொலிஸார் தெரிவிக்கின்றனர்.
புதிய ஓட்டுநர் உரிமம் பெற்ற பெண் ஒருவரால் காரை ஓட்டிச் சென்றதாகவும், பெண்ணின் கட்டுப்பாட்டை இழந்த கார் வீதியை விட்டு விலகி விபத்துக்குள்ளானதாகவும் பொலிஸார் தெரிவித்துள்ளனர்.
