தென்னாபிரிக்க கிரிக்கெட் அணியுடனான மூன்றாவது டி20 போட்டியிலும் வெற்றியீட்டிய வெஸ்ட் இண்டீஸ் அணி தொடரை 3-0 என வெள்ளையடிப்புடன் கைப்பற்றியது.
முதல் இரு போட்டிகளில் வெஸ்ட் இண்டீஸ் வெற்றி பெற்று 2-0 என்ற கணக்கில் தொடரை ஏற்கனவே கைப்பற்றிய நிலையில் மூன்றாவது ஆட்டம் நேற்று நள்ளிரவு நடைபெற்றது. இந்த போட்டி மழை காரணமாக 13 ஓவர்களாக குறைக்கப்பட்டது. இந்த ஆட்டத்தில் முதலில் பேட்டிங் ஆடிய தென் ஆப்பிரிக்கா 13 ஓவர்களில் 4 விக்கெட்டை இழந்து 108 ரன்கள் எடுத்தது.
109 என்ற வெற்றி என்ற இலக்குடன் களம் இறங்கிய வெஸ்ட் இண்டீஸ் 9.2 ஓவர்களில் 2 விக்கெட்டை மட்டும் இழந்து 116 ரன்கள் எடுத்து அபார வெற்றி பெற்றது.
முன்னதாக நடைபெற்ற இரு போட்டிகள் கொண்ட டெஸ்ட் தொடரை தென்னாபிரிக்க அணி 1-0 என கைப்பற்றியமை குறிப்பிடத்தக்கது.
