இலங்கை கிரிக்கெட் அணி வீரர் கமிந்து மெண்டிஸ் உலக சாதனை படைத்துள்ளார்

டெஸ்ட் போட்டிகளில் அனைத்து போட்டிகளிலும் தொடர்ச்சியாக அதிக அரைச்சதம் விளாசிய வீரராக கமிந்து மெண்டிஸ் உலக சாதனை படைத்துள்ளார்.
ஐசிசி உலக டெஸ்ட் சம்பியன்ஷிப் தொடரின் அங்கமாக நடைபெற்றுவரும் இலங்கை – நியூசிலாந்து அணிகளுக்கு இடையிலான முதல் டெஸ்ட் போட்டியில் இலங்கை அணி வெற்றி பெற்ற நிலையில் இரண்டாவது போட்டி காலி சர்வதேச கிரிக்கெட் மைதானத்தில் ஆரம்பமானது.

நியூசிலாந்து அணியுடனான இரண்டாவது டெஸ்ட் போட்டியின் முதல் இன்னிங்ஸுக்காக துடிப்படுத்தாடிவரும் இலங்கை அணி தினேஷ் சந்திமாலின் சதத்தின் உதவியுடன் இன்றைய முதல் நாள் ஆட்டநேர முடிவில் 3 விக்கெட் இழப்புக்கு 306 ஓட்டங்களை குவித்துள்ளது. 132 ஆண்டுகால டெஸ்ட் வரலாற்றில் அறிமுக டெஸ்டிலிருந்து அனைத்து போட்டிகளிலும் தொடர்ச்சியாக அதிக அரைச்சதம் விளாசிய வீரராக கமிந்து மெண்டிஸ் உலக சாதனை படைத்து 51 ஓட்டங்களுடனும் ஆட்டமிழக்காதுள்ளார்.