மீண்டும் இலங்கை வரும் நியூசிலாந்து கிரிக்கெட் அணி

இலங்கை மற்றும் நியூசிலாந்து அணிகளுக்கிடையிலான இருபதுக்கு-20 கிரிக்கெட் தொடர், நவம்பர் 09ம் திகதி தம்புள்ளை மைதானத்தில்
ஆரம்பமாகவுள்ளது.

இலங்கைக்கு வருகை தரும் நியூசிலாந்து அணி, இரண்டு போட்டிகளைக் கொண்ட இருபதுக்கு-20 தொடரிலும், மூன்று போட்டிகளைக் கொண்ட
ஒருநாள் தொடரிலும் விளையாடவுள்ளது.

கடந்த மாதம் இலங்கைக்கு சுற்றுப்பயணம் மேற்கொண்டு, ஐ.சி.சி உலக டெஸ்ட் சம்பியன்ஷிப் தொடரின் இரு போட்டிகள் கொண்ட டெஸ்ட் தொடரில்,
விளையாடிய நியூசிலாந்து அணி, இரண்டு போட்டிகளிலும் படுதோல்வியடைந்தது.
ஒரு மாத கால இடைவெளியில், மட்டுப்படுத்தப்பட்ட பந்துப்பரிமாற்றங்கள் கொண்ட, தொடர்களுக்காக நியூசிலாந்து அணி மீண்டும் இலங்கைக்கு
பயணம் செய்கிறது.

இருபதுக்கு-20 தொடர் தம்புள்ளை மைதானத்திலும், ஒரு நாள் போட்டித் தொடர், தம்புள்ளை மற்றும் பல்லேகல மைதானங்களிலும்
நடைபெறவுள்ளது. முதலாவது இருபதுக்கு-20 போட்டி நவம்பர் 9ம் திகதி நடைபெறவுள்ளமை குறிப்பிடத்தக்கது.